किन पक्राउ पर्दैनन् सुन साहु ?

काठमाडौं,पुस ८ – प्रहरीले धमाधम तस्करीको सुन बरामद गरिरहेको छ । खतर,तस्करी रोकिएको छैन । किन ? किनकी प्रहरीले सुन तस्करहरुलाई समाउन चाहेको छैन । दिउँसो भरियालाई पक्राउ गरेर प्रहरीका हाकिमहरु बेलुका तिनै तस्करहरुसँग चियर्स गर्दै आएका छन् । सुन तस्करहरुले गृह र अर्थ मन्त्रालयका उच्च अधिकारीहरुलाई प्रभावमा पारेका कारण तस्करी नरोकिएको हो ।
२–४ हजारको लोभमा सुन तस्करीमा सहयोग गर्ने गाडी चालक र भरियामात्र पक्राउ पर्दै आएका छन् । आइतबार साँझ पनि प्रहरीले भक्तपुरको जगातीमा २ किलो सुनसहति दुई जनालाई पक्राउ गर्यो । महानगरीय प्रहरी अपराध महाशाखाको टोलीले खासाबाट आउँदै गरेको बलेरो गाडिमा लुकाई ल्याइदै गरेको दुई किलो सुनसहित इन्द्रकुमार श्रेष्ठ र छिरिङ तामाङलाई पक्राउ गरेको हो । आजको दृष्टि साप्ताहिकमा खबर छ ।